呢個周未係復活節假期，我同意佬如常喺沒有基督的國度渡過。
意媽琴晚打電話嚟，大數佢哋喺意大利點拆大餐...一個字...灰！因爲我哋復活節嘅menu仍然係全雞宴😑
記得起初嘗試過意佬自己一個出埠工作，而我留守喺奶奶屋企等佢返嚟。等唔夠一個月，隔住個電話已感受到意佬自己一個喺非洲有幾痛不欲生，表示冇啖好食，成日痛肚，我亦好自責點解唔可以盡佢女人嘅本分，就算喺佢工作上我幫唔到啲咩手，哪怕只是一個陪伴，豈能只同甘不共苦？
～於是我乜都唔理，即刻執行李！～
大家都知寄倉行李上限23公斤，我用3公斤quota帶咗小量藥物，幾件衫護膚品，其餘全都是意媽親手炮製嘅意大利腸Salami，辣椒粉，自家製橄欖油、牛肝菌、意粉、意大利咖啡粉、各類芝士、珍貴嘅丁麵......足足20公斤！成個無國界義工咁😆出發去緊急救援老公行動🚨
意佬表示好感激我喺意大利有乾淨水喉水唔飲，走嚟非洲同烏蠅曱甴玩遊戲。
我只心存愛嘅哲理1+1：既然可以喺歐洲陪伴自己所愛，點解喺非洲唔可以？
可以等意佬有啖好食，速遞自己過去做煮飯婆都抵嘅。可惜依家做埋地盤妹，喺埃及再冇時間煮飯lu，唯有日日雞雞雞。
#出走埃及記2 #緊急救援💪🏻
#愛就是陪伴 #煮飯婆直送
Search